Zejdi: Koalicioni në mes OBRM-PDUKM-së dhe LSDM-së do të nënkuptonte fillimin e ndarjes së Maqedonisë

15:12 | 10 Janar 2023
A. B.

Deputeti i pavarur, Skender Rexhepi-Zjedi në një prononcim për TV21 tha se një koalicion mes OBRM-PDUKM-së dhe LSDM-së është i pamundur.

Rexhepi thotë se kjo do të nënkuptonte fillimin e ndarjes së Maqedonisë.

“Personalisht jam i bindur se nuk mund të ndodhë një koalicion OBRM-PDUKM-LSDM, pasi që këtë nuk do ta lejonin ndërkombëtarët, sepse ky lloj koalicioni i vetëm, pa shqiptarët, apo pa subjektet politike shqiptare do të sillte deri tek fillimi i ndarjes së Maqedonisë, realisht”.

“Prandaj konsideroj që nuk do e lejojnë këtë ndërkombëtarët, të ndodhë një koalicion i tillë, është një utopi që del në media por megjithatë shqiptarët janë dhe do të mbeten faktor kryesor edhe në pushtet por edhe në opozitë”, tha mes tjerash Rexhepi./TV21/